كل يوم نقابل ناس ونودع ناس

كل يوم نقابل ناس ونودع ناس
ناس بتتولد وناس بتموت
بنحب ناس وبنكره ناس
حال الدنيا عارفينها وحافظينها
بس لما نيجي نقابل ناس ياثروا في حياتنا
يولدوا جوانا احساس غريب... حلو يفرحنا يطمنا .. ويمكن خوف يبكينا ...
خوف من ان الاحساس ده يجي عليه اليوم اللي يروح ومايبقاش موجود ويكون مجرد ذكرى
كلنا حبينا واتحبينا في مننا اللي لسه ماحبش او لسه صغير عالحب
مواضيع الحب كترت بس لما تحس انك مش قادر توصل احساسك ومش قادر توصله لانك حاسس انه عالي اوي بتحتاج جهد ووقت عشان توصله
لما تحس انك ضعيف وعاوز تتكلم والكلمات تخونك .. لما تحس ان الدنيا ضاقت بيك ومش لاقي نفسك
لما تحس ان اللي عاوزه يحس بيك بيبعد عنك لمجرد انك مش قادر توصله احساسك
لما تتخنق من اللي حوليك واول ماتسمع صوته او تلاقيه... تلاقي نفسك طفل صغير الدنيا كلها مش سيعاك من الفرحه
تيجي تقوله كلمه تعبر بيها عن اللي حاسه تلاقي نفسك مش لاقي كلمه تعبر عن اللي حاسس بيه
تلاقي ان كل اللي ممكن تقوله قليل
تلاقي نفسك من كتر مانت مش قادر تعبر او مش لاقي كلمه تعبر عن اللي جواك .. دموعك تنزل منك غصب عنك وتتحايل على الكلام انه يطلع بنفس قوة احساسك ومش لاقي ولا كلمة تساعدك .. تلاقي الدنيا كلها وقفت .. بس الدنيا مش بتستنى حد لو مالحقتش هيفوتك لو ماتكلمتش هتخسر ناس انت مش عاوز تخسرهم هتخسر قلب مستحيل تلاقي زيه تاني هتخسر ببساطه حب حقيقي صعب ممكن تلاقيه في الزمن ده .. بس انا لو خسرت ده مش هقدر اعيش ... صح ان الحب من طرف واحد صعب واصعب حب بس لو في شخص بيحبك وانت ساكت وعارف انه بيحبك بتبادله نفس الشعور بس مش عارف تقوله ...ببساطه الكلام بيهرب هتعمل ايه ؟؟ تلاقي انه فاكر انك مش بتحبه انك مبسوط بانه بيحبك وفرحان ان في حد مهتم بيك ومش حاسس باللي في قلبك من ناحيته هتعمل ايه ؟؟؟؟ فاكر ان حبه حب من طرف واحد وانك مش في الدنيا وانك مش حاسس بيه هتعمل ايه ؟؟
هل بكده انت بتظلمه معاك ؟؟؟ ان الكلام بيخونك مع ان اللي جواك عاصفه مكتومه مش قادر تطلعها من كتر ما هي حاجه كبيره اوي ...
هل القلب ده احنا بنظلمه معانا ؟؟؟ بيحبنا وبيدينا احساس الحب الحقيقي اللي الكل بيدور عليه بس احنا بنقف عاجزين قدام الحب ده مش لاننا رافضينه لا .. لاننا عاوزين نحافظ عليه ومش عارفين ازاي خاييفين نخسره ... بنحبه ويمكن اكتر منه .. بس هل القلب ده بنظلمه معانا لمجرد اننا واقفين عاجزين عن التعبير ..
الكلام بيخوني بس ياريت اعرف ردكم ...